冇優質電視節目，確實好慘，難怪連希特拉都吞唔落呢啖氣！有網民再用電影《希特拉的最後十二夜》入面希特拉發嬲情節「惡搞」，喺呢條名為「希特拉得知 HKTV不獲發牌」。
YouTube短片中，希特拉得知王維基發牌夢碎後怒火中燒，大鬧「你知唔知，我等香港有個正常少少嘅電視台等咗幾耐？」繼而揶揄隔籬個中央台「成班騎呢怪走去政總跳老舞」，反問「有阿爺照住大晒呀？」講出唔少港人心聲。
及後呢句仲頂癮：「浪費地球資源嘅就賴死唔摺，真係畀心機做嘅就無牌」，片中嘅希特拉冇話講緊乜台㗎，但佢話「一日到黑就煮個麵你食」，睇怕答案都呼之欲出嘞。
 |
| ||
 |  |
