巨輪大結局

陳展鵬、鍾嘉欣、蕭正楠及田蕊妮於劇集《巨輪》的關係錯綜複雜，監製甚至特別留下伏線，以開放結局讓觀眾思考各人情歸何處，但現實中跟展鵬傳緋聞的嘉欣似乎想謝絕「多角戀」，始終覺得感情不應拖拖拉拉！

無綫劇集《巨輪》踏入結局篇，喬天生（陳展鵬飾)、卓靜（鍾嘉欣飾）、羅威信（蕭正楠飾）及姚文英（田蕊妮飾）之間如同「四角戀」的關係變得明顯，直到天生被控妨礙司法公正、公職人員行為失當及串謀殺人三罪被判入獄七年，令他跟卓靜的關係更加疏離，反觀飛黃騰達的威信與卓靜的感情則一日千里，文英只好繼續幫威信打理餅店生意。

情義兩難全

至四人於綁架案相遇後，卓靜竟擔心威信而不惜親自報警拉天生，令天生中槍昏迷，似乎卓靜於威信及天生之間早有選擇，監製王心慰則故弄玄虛，指劇情並非如此簡單：「天生雖然涉及綁架又坐過監，壞人已經得到惡報，但佢又係咪真係需要賠上性命呢？其實天生所做嘅都係為卓靜、威信好，到底卓靜可唔可以憑住愛字而忘記過去一切，同天生再一齊？另一邊廂，威信早就對卓靜有好感，但同時又愛文英，只係兩個性格太迂迴，到底情、義應該點樣去抉擇？」

他們最終情歸何處？監製將決定權交給觀眾，以一個開放結局讓大家有思考的餘地，但「當事人」嘉欣則早有決定：「其實我覺得威信同卓靜之間只係親情，佢哋互相扶持感覺好似親人，所以即使卓靜想離開重新生活，佢都希望可以同威信好好道別。至於卓靜同天生，我就希望大家可以Move On，尋找到令自己幸福嘅另一半，始終發生咗咁大件事，心裏面點都有條刺，咁不如大家放開過去向前望。」

罕有防「小三」

無獨有偶！現實中展鵬真的與嘉欣傳緋聞，更有指為怕「正印」伍允龍打爛醋埕，嘉欣鮮有於微博公開澄清，以杜絕三角戀，嘉欣笑言感謝傳媒幫忙宣傳劇集，也久達了跟男演員傳緋聞：「我同展鵬只係朋友關係，亦冇呷醋呢回事，第一次喺微博澄清係因為以前冇呢個社交網站。咁先令大家有種錯覺我係專登為件事而做。」不喜歡拖拖拉拉的她認為雙方專一是對大家的尊重，故至今未曾發生過三角戀。