活希兒

活希兒

孫大倫娶新抱 活希兒着婚紗踩場 搞寸party

早前一段深圳懷孕小三穿婚紗闖進婚禮現場片段，喺網上瘋傳，估唔到疑似搶新郎事件，喺香港名門世家都有發生。

上月初，中港照相器材主席孫大倫細仔孫道熙（Ryan），與潮州商會會董林鎮洪女兒林珊亭（Sandee）喺灣仔會展擺酒，不過場內有人想搞事，令Ryan甚為勞氣。

原來Ryan早前喺facebook貼上同徐子淇同期出道的中、澳混血兒活希兒(Fiona Braidwood )相片，Ryan喺結婚當晚，活希兒喺媽咪陪同下，同新娘子穿上同款婚紗，踩入婚宴會場，哇﹗咁爆？

唔知大家仲記唔記得邊個係活希兒呢？其實佢可算係第一代0靚模，98年同陳曉東拍攝牛仔褲廣告，而為人認識，仲憑住甜美笑容，俘虜唔少少男芳心，惟後來因為扮Hello Kitty唱歌令觀眾緣盡失，樂壇失意後曾到悉尼讀法律。

好喇，講番件事先，Ryan除咗貼咗活希兒着住同款婚紗張相外，仲喺facebook留言：「歷史上最踩場的賓客……作為同我同年的律師嘅你，你親愛的媽媽有來到Sandee同我嘅婚禮…見到我太太條裙都唔同你講重叫你著…就知你玩野！你重同我講唔知…（法官都會話…唔知唔係一個藉口！）你同你親愛的母親都無過嚟祝賀我哋都唔緊要。coz dnt wanna see u both in our life anymore.(我的人生不想再見到你哋兩母女)。」

Ryan雖沒指明道姓，但有朋友眼利一睇便知，仲以英文回應：「兄弟，你忘了關注她的名字，她是Fiona Braidwood活希兒！」

之後Ryan朋友一面倒留言鬧爆活希兒行為荒唐、係八婆，仲有人問佢係咪想搶新郎？