周一嶽威一鑊

周一嶽威一鑊

候任特首梁振英（CY）一直拒評內地維權人士李旺陽「被自殺」，無份留任下屆政府嘅食物及衛生局長周一嶽卻語出驚人，臨別秋波大講「真心話」，接受電子媒體訪問時話懷疑李旺陽唔係自殺，言論贏得唔少掌聲，仲有人喺facebook向佢致敬，整咗張圖封佢做「食滯及為生焗搶﹕威一獲（鑊）」！

周一嶽變威一鑊 臨別論旺陽

圖: 周一嶽威一鑊

傳政府一度叫停該段訪問

周一嶽由「周一鑊」變「威一獲」，自己當然攞到威，但CY同下一屆政府就真係要「孭鑊」，難怪有網民都話「臨別抽地雷，物輕仇意重」。Emily聽聞政府內部都知今次言論敏感，甚至一度叫停嗰段訪問，但係對住鏡頭講咗嘅嘢，即係潑出去嘅水，唔係問題食物，無得回收！

「不可未上場就打擊下屆政府」

其實CY同周一嶽早喺雙非配額安排已經唔啱嘴形，佢喺電子傳媒訪問度唔講CY有無挽留佢，又話唔覺得停收雙非係委屈，總之唔會評論下屆政府，但係佢講嘅嘢仍然有骨﹕「下屆政府未上任，咁快話佢唔係幾啱，畀啲空間佢發揮，唔可以佢未上場就打擊佢！」

周一嶽威一鑊 原文: 周一嶽變威一鑊 臨別論旺陽