八達通app

八達通app

百物騰貴，巿民慳得一蚊得一蚊，平日多啲check吓張八達通卡，睇睇用剩幾錢又或者攞唔攞到十送一優惠。八達通最近推出一個手機app，巿民下載呢個app，輸入八達通號碼，手機會變身八達通讀卡機，手機只要拍一拍張八達通卡，就可以「嘟」到裏面嘅紀錄。

八達通app嘟一嘟查紀錄

圖: 八達通app

八達通卡有限公司技術總監甘志深噚日同Emily講，市面上有其他程式可以查閱八達通資訊，但只可以睇到餘額；而八達通上周四推出嘅「八達通查閱易」Android app就唔同，市民只要下載app，再登記八達通號碼嘅最後5個數字，就可以用手機擺喺八達通卡上面，讀取到八達通餘額同最近10次交易紀錄、八達通日日賞等資訊。一部手機最多可查閱20張卡嘅紀錄，幫埋親友查都得，該app至今已有近萬人下載。

圖: 八達通app

不過，呢個app唔係所有智能手機都用到，暫時只可以喺有NFC（近場通訊）技術嘅智能手機上使用，包括Samsung GALAXY S III、HTC One X等高階嘅Android手機，iPhone同較低階嘅Android手機用戶就暫時無緣。Emily有啲失望，希望八達通快啲整番個新程式，方便到用iPhone及其他Android機嘅巿民啦。

八達通app 原文: 八達通app嘟一嘟查紀錄