建港者聯盟

建港者聯盟

文宣係政黨宣傳嘅重要元素，民建聯最近出咗一本選舉漫畫，將候選人化身成卡通，變成「建港者聯盟」，主席譚耀宗變咗美國隊長、副主席劉江華就似乎扮緊雷神索爾（Thor）。雖然民建聯都費盡心思，但似乎網民反應都好一般。

譚耀宗做美國隊長

圖: 建港者聯盟

呢本漫畫除咗講候選人為市民爭取咩嘢，亦有提及民建聯反對亞運係反映佢哋「是其是、非其非」。由於每張名單排第一嘅都要有啲宣傳，所以就算係新人參選，都要為佢哋諗吓有咩可以推銷，好似喺新西出選嘅陳恒鑌，佢同譚耀宗一齊「成功爭取」到生果金加至1000蚊等措施。

民建聯變「建港者聯盟」

漫畫亦特別介紹超級區議會議席同一人兩票，提醒選民投票時會有兩張選票，分別入喺兩個票箱。民建聯製作呢啲文宣真係好揼本，呢本彩色漫畫印製咗超過36萬本派街。

新界西候選名單仲包括梁志祥、麥美娟、田北辰、李永達、陳樹英、郭家麒、梁耀忠、李卓人、陳偉業、曾健成、陳強、何君堯、陳一華、麥業成。參選超級議席除咗劉江華，仲有何俊仁、涂謹申、白韻琹、馮檢基、李慧琼及陳婉嫻。

建港者聯盟 原文: 民建聯變「建港者聯盟」