槍手王國興

槍手王國興

范國威紅油淋頭 王國興槍手扮唔厭

參選港島嘅工聯會王國興，上星期喺facebook專頁upload咗「揸槍」宣傳海報，畀網民話似恐怖分子；到咗噚日，佢再upload單人「揸槍」海報，開口話要酬勞、為工人爭權益。而參選新東嘅范國威（Gary）就鬥激，要「淋紅油」，話要拒絕香港赤化咁話。

紅油喻「強迫染紅」拒赤化

Gary同Emily講，為咗表達反雙非同國民教育科，搵咗幫開泛民影相嘅Freeman
Lo，拍佢畀紅色廣告彩「兜頭淋」，就好似港人畀人強迫染紅，要紅得嚟震撼咁話。Gary話，有網民以為啲相執過，但其實拍咗成3個鐘，先用水試角度，之後著波褲「淋紅油」4次，無花無假。

呢排成日「槍手」上身嘅王國興就話，早前成立咗「興粉」小組，幫手諗吓點宣傳，但就賣關子，唔肯透露仲會唔會有下一輯「揸槍」海報。噚日upload嘅「FTU（工聯會英文簡寫）」海報，包括佢宣揚嘅酬勞、機會、尊嚴等理念，除咗王國興，今次名單上包括潘佩璆等人齊齊變晒槍手！

「興粉」齊齊揸槍拍海報

新東其他名單仲有陳克勤、葛珮帆、葉偉明、龐愛蘭、田北俊、劉慧卿、黃成智、蔡耀昌、梁國雄、張超雄、湯家驊、陳志全、方國珊、邱榮光、何民傑、梁安琪、陳國強及龐一鳴。港島其他名單仲有曾鈺成、鍾樹根、葉劉淑儀、劉健儀、單仲偕、何秀蘭、劉嘉鴻、吳文遠、陳家洛、許清安、勞永樂、吳榮春同何家泰。