官人我又要

官人我又要

《低俗喜劇》狂收　彭浩翔繼續三級 樂仔音音炮製官人我又要

彭浩翔執導，杜汶澤、鄭中基與邵音音主演的港產三級片《低俗喜劇》上映20天，截至前日票房收約2，420萬，一直強調要支持港片的彭浩翔決定再接再厲，以原班人馬再加余文樂開拍三級粗口艷情笑片《官人我又要》，戲中會有大戰連場，其中一幕有意安排樂仔、鄭中基與女主角玩3P。

　　彭浩翔執導的《春嬌與志明》今年3月上映時票房報捷，約收了2，880萬，想不到他另一部現正上映的港產三級片《低俗喜劇》同樣以低成本刀仔鋸大樹，殺出一條血路，票房有機會邁向3，000萬，彭浩翔有意明年再開拍純三級粗口艷情搞笑片《官人我又要》。觸發他開拍這部戲，是因為在《低》片內的戲中戲，是講述杜汶澤請邵音音出山再拍《官人我又要》，結果全場笑爆，連戲院日前也特別安排重映一場76年版由她主演的《官人我要》，所以他認為重拍這部戲，應該會有市場。

　　「千嬅嚟客串仲好」

　　76年楊群自導自演伙拍邵音音拍攝了《官人我要》，當時掀起艷情片熱潮，到98年王晶再重拍《玉蒲團III：官人我要》，請來張敏執導、鐘真與楊嘉玲主演，但票房不算很突出。至於2013年版的《官人我又要》，彭浩翔會重新包裝一個全新故事，並說服余文樂當男主角，拍攝一部三級粗口古裝艷情片。

　　《低》片原班人馬都有份演出《官》片，昨日本報記者向彭浩翔求證，他在電話中說：「我系構思緊拍一部認真嘅三級粗口色情片，等觀眾可以睇得開心過癮啲，女主角我諗住喺內地招考，搵個靚女新人嚟演，肯定要脫曬，主角想用我老友余文樂，叫志明去拍三級色情片，觀眾先會有新鮮感，如果千嬅唔介意嚟客串嚇仲好，而音音姐會演女主角嘅媽咪，佢咁老人家，我唔敢搞佢除衫啦！」

官人我又要

　　彭浩翔因10月要為華誼開拍新片，所以最快要明年才能有期開拍《官》片，他說：「家有兩個方案，如果我太忙就轉做監製，杜汶澤執導，呢部純港片，我想拍盡啲，好似搵樂仔、鄭中基同個女主角玩3P，應該幾好睇。如果呢部收得，我會繼續開拍《官人我仲要》，又得嘅話我就再拍《官人放題》。不過我希望等《低俗喜劇》過左3，000萬先開拍，觀眾仲可以留番呢部戲嘅戲飛票尾，到《官人我又要》上時，可以憑票尾換贈品。」

　　樂仔：見屁股都可以

　　余文樂從來未拍過三級艷情片，昨日他接受電話訪問說：「部戲一定要有音音姐，我先肯做，因為冇佢點成事！我對彭浩翔好有信心，如果真系佢導演，我會演出，想支持港產片，希望觀眾、電影公司老闆同我一樣，多支持港片，之前《春嬌與志明》成功，繼而到《低俗喜劇》又得，證明觀眾實實在在想睇番接近香港口味嘅電影，呢兩部戲叫好叫座，老闆一定賺錢，所以拍地道港片一樣有市場。」

　　問樂仔拍《官》片可接受的裸露程度 他哈哈笑說：「拍呢類片都要有底線，下體真系唔露得，見埋屁股都可以，不過我覺得自己屁股唔夠靚，但導演要我露的話，我都會肯嘅，因為彭浩翔我信得過，佢拍色情片，我都覺得會與別不同，佢會有啲新野畀你睇。」