惡搞劉江華

惡搞劉江華

劉江華廣告遭惡搞

民建聯副主席劉江華為咗部署立法會選舉出選超級議席，忙到停唔到手，佢之前搞咗幾場「與未來對話」，與不同嘉賓做talk show，剛剛呢個星期一就請到候任特首梁振英做嘉賓，真係巴閉。

除咗論壇之外，劉江華仲搞「香港會點？」活動，喺facebook開專頁，呼籲大家就香港未來應該點走畀意見，仲為呢個活動整咗個大橫額廣告。廣告中，劉江華托住頭諗「香港會點？」，點知網民火速改圖，最先係加咗個「死」字，變成「香港會點死？」其後更有人用「香港會點死」嚟作詩針對梁振英。睇到呢啲作品，唔知劉江華會否後悔畀咗太多空間啲網民改圖？

除咗劉江華，佢嘅黨友李慧琼因獲委入行政會議，網民透過改圖諷刺李慧琼可能喺今年立法會選舉落敗，但仍可入行會。