亞洲先生逾期居留

亞視高級副總裁葉家寶對於朱曉輝、周帥、畢萬春及張傳奇等亞洲先生參賽者逾期居留，他說：「佢哋不嬲都係申請多次往返簽證，即係每七日要離開再返入嚟，今次有監護人疏忽，入境署了解過，冇人需要被遞解出境，因為唔係故意同初犯，亦都保證唔會再犯。」對於外界指亞視借節目鬧王維基，他說：「冇咁嘅事，《微播天下》係講至hit話題。」

此外，落選亞生的張傳奇及車恩俊，昨午二時一包二包現身上水港鐵站，準備返回內地，有工作人員在旁拍DV，貌似古天樂的張傳奇架起太陽鏡，更加「古仔」，全程低頭玩手機，冇人認得。