世紀大賤警

世紀大賤警

隔牆有耳： 「世紀大賤警」紅爆網

世紀大賤警 : 網絡審判？今日臉書（facebook）的熱話除了 「12.12.12 」外，還有就是「世紀大賤警」事件。不像上次「$500人情」有當事人現身說法，暫時只有一張相和故事，但已經被網民們鬧爆，讀者們對這件事有甚麼看法？是否又是一場網絡審判？

<<世紀大賤警>> 蒙騙8年拍拖女友 「男友結婚了，新娘不是我?」

有無諗過一個同你攜手度過8年、信誓旦旦話同你下年結婚的人，聲都唔聲突然同另一個女人結婚? 而你只係睇facebook先發現「男友結婚了，新娘不是我?」

結婚當天朝早仲噓寒問暖，下晝仲主動「報到」話放工好攰返屋企休息，但夜晚就係facebook被朋友tag結婚擺酒的相，令成個謊話曝光。

駐守九龍某分區的賤警張X健 (Benjamin)喺2004年仲讀緊中學時已經同X小姐拍拖，一直感情要好，2009年年尾仲同X小姐開聯名戶口一齊儲錢，計劃盡快拉埋天窗。賤警於兩個月前出席X小姐表姐的婚禮時，仲當住一眾親朋戚友面前許下承諾，會喺下年中迎娶X小姐，令X小姐深信終於找到可付託終生的伴侶。

12月6日晚(事發前2日)，賤警仍然上X小姐家過夜。12月8日早上(事發當日)，賤警仲what’s app X小姐，叫女友注意天氣涼要添衣。下晝仲同X小姐講自己剛收工好攰，會返屋企休息，晏D再搵X小姐。X小姐不虞有詐，豈料夜晚一個友人叫佢睇賤警 facebook，X小姐一睇先發現拍左拖8年的枕邊人同另一女警擺酒結婚！

X小姐大受打撃，有邊個可以接受今朝仲情深款款的男友竟然可以咁對自己? 佢即時搵賤警問個究竟，但賤警一直唔接電話。

2日後，賤警主動打返電話比X小姐，話對佢唔住，但好快就講出真正目的 — 問X小姐可唔可以拎返自己有份儲的錢！

原來賤警已經同同僚一齊左2年半，今年11月21日係女警的生日，但賤警當晚竟然仲喺X小姐屋企過夜。

回想過去的一切，X小姐頓感心寒，難以接受8年來一直痴心錯付比呢個幾近人格分裂的「狼君」。

真是有夠誇張，竟然能隱瞞這麼久，不愧是警察，警察犯起壞來，你連察覺的機會都沒有啊。真係賤格。