煲仔飯五宗罪

煲仔飯五宗罪

煲仔飯五宗罪 揀錯餸熱量爆煲！


今個冬天特別凍。寒流肆虐、冷風呼嘯的時節裏，還有什麽比食個熱氣騰騰的煲仔飯更誘人呢？一人一煲煲仔飯，看似不算大魚大肉，但若選錯食材，熱量絕不比食一份大餐少，隨時脂肪爆標。 一人一煲煲仔飯，連飯焦也清掉。小心！身心營養顧問公司註冊營養師劉立儀指出，煲仔飯熱量不容小覷，一煲臘味煲仔飯，卡路里過千，還有很多健康隱患，難逃「五宗罪」，以臘味為主的「經典」口味尤甚 。

第一宗罪：油分超標

「煲仔飯將食材和米飯一齊蒸煮，常用食材如臘味、連皮或帶骨的肉類，都是高脂肪的肥肉，蒸煮時分泌出的油分滲入飯裏，每一啖飯都避不開肥油。」她指出，為了令煲仔飯更惹味及方便清潔，不少食肆都會在煲內抹層油，無形中又增加脂肪攝入量。

第二宗罪：飯焦致癌

不少人食煲仔飯都無「焦」不歡，劉立儀提醒，碳水化合物和脂肪經長時間高溫加熱，有可能產生致癌物質，飯焦不宜多食。

第三宗罪：分量過多

成人每餐適宜飯量為 1 至 1.5 碗，即約 150 至 225 克米飯；而坊間煲仔飯，一般都有 1.5 至 2 碗飯，一人將整份煲仔飯食到見底，飯量超標，糖尿病人士尤要注意。

第四宗罪：缺乏纖維

煲仔飯的配料以肉類為主，只會搭配小量青菜，缺乏膳食纖維，與「菜多肉少」的健康飲食原則背道而馳。

第五宗罪：鈉質過高

臘肉、臘腸、潤腸、臘鴨等全是經醃製的加工肉類，鹽分偏高；再加上煲仔飯通常以甜豉油調味。一湯匙（ 15ml ）甜豉油已含 864mg 鈉質，而成人每日鈉質上限僅為 2000mg，「其他食物中多少亦有鈉質，一餐煲仔飯食下來，鈉質極易超標」。她建議甜豉油分量控制在兩茶匙（約 10ml ）內，而患腎病、血壓高及懷孕人士最好不要加。 劉立儀又提醒，別以為食得過鹹，飲水就可中和。短時間內攝入大量水分，或會引起身體輕微水腫，對心臟造成壓力，增加高血壓風險。「不妨飲用清淡的雜菜湯補充鉀質，有助排出體內過高的鈉質。」

想讓煲仔飯做到健康有營，除了注意飯量、避開飯焦、少添豉油、額外加菜等「老生常談」，食材的選擇最為重要。一煲白鱔煲仔飯只有不到 700kcal 的熱量，而鳳爪排骨煲仔飯的熱量卻翻倍至 1320kcal。劉立儀教路，只要盡量避開加工肉類及帶骨帶皮肉類等「壞煲」，選擇海鮮及瘦肉類等「好煲」，餐餐食煲仔飯一樣可以健康又有營。