 |
| ||
 |  |
|
| ||
| |
回最新文章列表│瀏覽：459
官場奶媽
政壇：搞搞政：林鄭唔做「官場奶媽」
林鄭月娥上任政務司司長初期先帶住教育局局長吳克儉拆解國民教育炸彈，之後再率領一眾局長諗計擊退水貨客，「官場奶媽」形象深入民心。但佢尋日請傳媒去山頂白加道官邸聚會時話，佢嘅「奶媽」形象之所以深入民心，只因大家先入為主啫，其實佢都好耐冇同某一個局長喺公開場合出現喇！
上任初期爆出一句「度日如年」，唔少人都戥佢可憐，尋日佢好欣慰話政府埋位八個月大體施政穩定，好多局長都努力工作，又經常同傳媒聚會。佢仲話自己個性率直，以往唔會句句都秤過先講，但自從做咗司長之後，先發現原來講嘅每隻字都好易被人放大，所以都係秤吓先講安全啲。
林鄭做咗司長後瘦咗一個圈，但原來苗條背後卻血糖偏高，醫生叫佢要注意飲食，食少啲碳水化合物。不過唔緊要，因為佢不時都打羽毛球，仲話跟前港隊代表陳念慈學打波，但因為太忙，有時一星期都未必打到一次喎！
