亞視死logo

亞視死logo

亞視台慶logo 網友笑「死」

亞視56周年台慶logo被指似足「死」字，網民喪笑「台之將亡，必有啟示」，亞視執行董事盛品儒力撐亞視不「死」！而日前有份舉牌的顏子菲寄望明年會更好，而鮑起靜直言亞視畀人「唱」感傷心！

亞視前日在大埔總台舉行56周年台慶盛典，安排了一眾藝員舉起大型紙牌砌出56周年台慶logo，而logo昨日在互聯網上被網民瘋傳，不過一眾網民看到後都認為logo十足「死」字，有網民留言「係咪冇錢找數畀個設計師？」、「點解橫睇豎睇都似個『死』字」等。

亞視執行董事盛品儒昨日回應指logo由美術部門設計，但不會因此問責，他又死兜logo唔似「死」字：「logo推出之前係經管理層睇過，大家都唔覺似『死』字，反而覺得設計充滿現代感同美感。」盛品儒認為logo被廣傳表示大家仍是關心亞視，但亦會考慮應市民要求為logo作輕微修改。面對亞視台慶與「死」扯上關係，盛品儒乘機玩暗寸：「死都未必係亞視死，可能係其他人死呢！（邊個係其他人？）講笑啫！」