cool魔金句

cool魔金句

張智霖於前晚《衝上雲霄II》中再度成為焦點，連他的對白亦無厘頭成為網民口中金句，他坦言要多謝編劇的心思。而劇集的主題曲，也鬧出不少笑話，「Cool魔」的魔力認真非同小可。

 張智霖（Chilam）、吳鎮宇、陳法拉及吳卓羲主演的《衝上雲霄II》成為全城追捧劇集，更成為網民的話題，繼之前主題曲被網民將第一輯由陳奕迅所唱的《歲月如歌》，配上今輯的宣傳片於網上瘋傳外，林子祥主唱主題曲一事，更被編成笑話故事於網上廣傳，有指曾有人問監製誰唱《衝上雲霄II》主題曲好，監製一心想主角唱，故留言Cheung Chi Lam（張智霖），但有人居然將次序倒轉，變成Lam Chi Cheung（林子祥）。記者昨日致電監製陳維冠，他聞言哈哈大笑說：「梗係唔係真，根本冇咁嘅事，我初頭睇仲以為係Chilam開嘅玩笑，其實我哋之前係有高層專登約林子祥傾唱主題曲。佢夠晒分量，依家佢都好開心，仲專登為呢套劇作咗呢首歌。」

朋友笑變「Chilam時段」
另外，Chilam於前晚一集中連攬兩女，包括陳法拉及朱璇，而Chilam的型爆Cool魔更成為萬人迷，網民將他的對白列成金句，當中包括「我雖然靚仔，但唔係傻」、「我都想知有邊個女人可以治一治我」、「我唔做善事，除非畀我錫你」等。對於對白被網友指為金句，監製表示拍時並不覺得，但每句對白都是編劇細心度出來的。而身在新加坡旅行的Chilam受訪時笑說：「吓？嗰啲都叫金句？都係多謝啲編劇，我都係跟劇本講。」他又表示根本沒有「主題曲」笑話，但坦言不少朋友指廣告時段中，有不少都是Chilam代言的廣告，故變了「Chilam時段」。

至於吳卓羲於前晚講了多次「自私妹、港女、膚淺、拜金女」的對白，受訪時他被問到會否怕得罪「港女」？他無奈地說：「我都係跟劇本講o架咋！不過完全冇貶低港女意思，有話題咪代表個劇成功囉！」此外，《衝II》劇前晚第二集平均收視33點，最高34點，繼續高企，而於myTV中，單單第一集觀看人次已有二十多萬。

另外，吳鎮宇及樊少皇昨日於北京出席新片《獵仇者》記者會，樊少皇與四位性感辣妹首先出場，其後持道具槍的鎮宇現身，還開了幾槍，之後辣妹四散，餘下樊少皇與鎮宇擺甫士讓傳媒拍照，頗有心思。