jose衝上雲霄

jose衝上雲霄

【衝上雲霄II】劇情預告有嘢睇jose藍莓倒奶呀﹗

今集《衝上雲霄II》後半部就講顧夏晨（胡杏兒飾）同班同事一齊會去三亞旅行，傅嘉莉飾演嘅咖啡妹Jose同Issac（吳卓羲飾）都會同行，仲有孫慧雪同劉俐添。

今集播完後，有一個好短嘅劇情預告，講述成班人去到三亞就同陽光玩遊戲，當然少不免三點式啦，其中一個鏡頭就係影住Jose個樣，但此圖重點係Jose身後嗰位着住三點式「倒奶」的女藝員，不過就見唔到樣，其實好多網民火速截咗圖，認真快手，佢哋仲一估就估到係藍莓呀，究竟藍莓有幾sexy？聽晚睇過咪知囉﹗

衝上雲霄:傅嘉莉專訪

模特兒出身的傅嘉莉（Kelly），過往以拍廣告及電影為主，最近殺入電視台做小花，處女作更是重頭劇《衝上雲霄2》，羨煞不少藝員，Kelly坦言多得前輩劉青雲勉勵：「佢話要學做戲，一定要先拍劇，仲話如果當初冇入訓練班，都未必有依家嘅成就。」機緣巧合下，Kelly憑亮麗外形獲無綫高層青睞，展開小花生涯，劇中飾演身患絕症少女「喬祖思」，介入胡杏兒與吳卓羲的戀情，迫杏兒讓愛，但現實中二人卻情同姊妹：「杏兒好好人，經常糾正我啲懶音同教走位，仲好識帶人入戲，有幾場我拍到不自覺流淚。」

雖然是電視新人，但演出經驗豐富的Kelly直言訓練有素，無懼緋聞王吳卓羲：「唔擔心傳緋聞！咁多年嚟我都拍好多靚仔，房祖名、余文樂等，連成龍大哥都合作過，見慣大場面啦！哈哈！」問到誰是靚仔之最，她識做地說：「梗係吳鎮宇啦！好有男人味。」

Kelly更力撐鎮宇只是為人直接，並非刻意責罵，自己亦獲益良多。