陳偉琪契爺

陳偉琪契爺

巨胸人20號陳偉琪 被爆有契爺撐腰

聽日就係總決賽，今日眾佳麗身穿蠱惑泳衣會見傳聞兼綵排，為爭取好表現同人氣作最後衝刺。巨胸之人包括7號沈佳澄、16號徐韶蓓同塗擁有34.5吋上圍嘅20號陳偉琪，就繼續以迫爆上圍成焦點，件泳衣仲已經加咗墊，令「貧」者變「富」；「富」者，自然更「富」啦!

曾經多次聲稱會叫親戚朋友投票嘅陳偉琪，雖然事後轉口風話自己甚少朋友喺香港，但今日就有一名聲稱係佢「契爺Eddie」嘅男士去信報館，叫所有人投佢一票。問番陳偉琪，佢就話，係有個叫Eddie嘅契爺，但唔知係咪寫信呢個：「拉票好正常，我啲屋企人都有叫人投票，我諗佢唔會做呢啲咁既事，可能有人假冒佢，佢唔會用呢個方式咁做，而且我絕對冇叫人咁做，亦唔需要咁樣去拉票。」

港姐今晚決賽再玩公投 20號陳偉琪契爺拉票撼17號陳凱琳

無綫《2013年香港小姐競選》決賽今晚在將軍澳電視廣播城舉行，將誕生冠、亞、季軍及最上鏡小姐。決戰前夕，佳麗為飛上枝頭，各出奇謀，1號張敬仁返母校向師妹埋手拉票，20號陳偉琪更出動契爺去信傳媒求票，硬撼有auntie車淑梅在社交網拉票的大熱17號陳凱琳。