陳凱琳爸爸

陳凱琳爸爸

【富貴港姐】陳凱琳爸爸炒鋪賺半億 被封為「鋪王老竇」

應屆港姐冠軍陳凱琳（Grace）大熱勝出，喺決賽當晚，Grace總票數為逾17萬票，足足拋離亞軍嘅蔡思貝6萬幾票。雖然Grace被指可能係史上最輕磅同最平胸嘅港姐冠軍，但同時佢亦係近幾屆最靚嘅香港小姐冠軍。

Grace靚樣殺晒贏冠軍，佢口口聲聲話自己係來自中產家庭，但就被發現住喺位於九龍塘5千呎，屬於祖父母物業嘅逾億獨立屋，而Grace爹哋大有來頭，被指係「鋪王老竇」，身家豐厚。

今日有報道就將呢位中產港姐冠軍大起底，原來陳爸爸炒鋪賺近半億不特止，0依家仲手持三間市值近5千萬商鋪收租，而陳爸爸喺訪問內表示，以前係做油站代理生意，不過現時已退休。該報道又指陳爸爸喺1988年曾經將佐敦道一個物業，轉按畀蜆殼石油，成功套現20幾億，認真犀利。

雖然家境豐裕，不過陳爸爸都算低調，唔愛炫富，而Grace雖然出生大富之家，但生活亦頗平民化，報道話冇乜人知佢家底，就算離開電視城，都係搭廠巴。