金像師奶

金像師奶仔劉玉翠 激動落淚：我愛屋企人，我愛香港人！

前無綫藝人、後轉投港視的劉玉翠，今天是第一個上台發言，她說:「我喺買餸嗰陣聽到呢個消息，我爭啲想帶兩棵蔥嚟。」又打趣謂師奶(即她本人)都來遊行。此時有人遞上一支雞汁給她，她望了一望便推開:「我煮餸唔用雞汁o架，sorry，我好natural..」引得全場鼓掌。

大情大性的劉玉翠，還哭了出來。

她上台時說:「我有啲緊張，其實我係一個師奶嚟0架咋，師奶都要遊行呀，你見過未？」發表完「雞汁論」，劉玉翠續說:「經過呢件，事，我更加肯定自己嘅追求。我依然會繼續發夢，我依然會為理想堅持。我好肯定，呢件事令我壯大咗。我喺王生(王維基)嘅訓練底下，個人好騰雞，我係冇一日唔喊，雖然依家我喊，但我覺得自己係一個好堅強嘅喊，好肯定嘅喊。我冇氣餒，經過呢件事，亦都希望大家唔好氣餒，繼續努力，繼續發夢，係冇問題0架。我只係有啲難過，有啲傷心，點解變成咁樣。我好痛心，我唔偉大，我唔係為全香港人，我為嘅係我屋企人、為我下一代，為我自己嘅夢，我可以做啲咩？」說時劉玉翠忍不住又哭了出來。

劉玉翠紅眼眼，忍著淚，續說:「我愛我屋企人，我愛香港人。」並握拳肯定地說:「我愛我自己!就已經夠喇!繼續發夢，一齊陪我儍呀！多謝你哋!」

May姐自認是師奶，不是政治人物，所以不會參加遊行。節目中不斷以雞汁揉搓哈哈哈哈哈哈餵養電視機前的觀眾，49集以來一直如是，一成不變。

劉玉翠，也是一位師奶，演藝學院畢業，90年憑《廟街皇后》榮獲第10屆香港電影金像獎「最佳女配角」和「最佳新人獎」。當年，她只有24歲。當年的精采演出，令人刮目相看，即使在張艾嘉面前，這位新人仍然毫不怯場，絕對是影壇瑰寶，但加入無綫後，大多被派演八婆、師奶等角色，由第二女主角，變成女配角、第四女配角……轉投香港電視，是因為劉玉翠沒有放棄她的夢。

師奶仔，你要繼續加油，繼續愛自己，也要愛你的夢!