蘋果花歌后

蘋果花歌后

「蘋果花歌后」楊燕 願意教周杰倫咬字

有「蘋果花歌后」之稱的楊燕，今日聯同謝雷為嚟緊喺灣仔伊館舉行嘅演唱會綵排，楊燕之前批評周杰倫唱歌咬字唔清，仲係唔止一次添。

今日佢綵排時，唱咗首周杰倫嘅《菊花台》，大晒歌藝，佢話：「周杰倫係天才，但如果佢想我教佢咬字，我願意教。」問佢個唱會唔會唱《菊花台》？佢話睇觀眾鍾唔鍾意。

講到甄珍同劉家昌傳離婚，楊燕同謝雷話有睇報道，楊燕話好耐之前同甄珍拍過戲，劉家昌媽媽仲係佢忠實fans，楊燕話：「真的分開？不管怎樣，勸合不勸離，結婚這麼多年，離了又怎樣，難道再找或孤獨過，除非兩個人再一齊好痛苦，這只是我個人意見。」

謝雷就話同甄珍曾經電影合唱過，佢話有次見甄珍肥咗好多，仲笑話佢係第一美人，唔可以肥，甄珍話平時煮好多野食，劉家昌同仔唔食，就佢自己食晒，諗唔到佢哋會離婚。謝雷話同甄珍冇乜聯絡，只間中撞到，楊燕就話同甄珍妹妹幾熟，返去問下佢。